Toyota Corolla-ն աշխարհի ամենավաճառվող մեքենան է: «Focus2Move»-ի համաձայն, 2024 թվականին վաճառվել է ավելի քան 1 միլիոն այդպիսի մեքենա: Ներկայումս շուկայում հասանելի է 2018 թվականին ներկայացված Corolla-ի սերունդը, սակայն շուտով դա կփոխվի, քանի որ Toyota-ն աշխատում է այս սուպեր հաջողակ մեքենայի բոլորովին նոր սերնդի վրա։

Մալայզիայից մի սիրողական նկարիչ, ով հայտնի է դարձել ցանցում «Theottle» մականունով, որոշել է պատկերացնել այս մոդելի նոր դիզայնը: Համակարգչային գրաֆիկայի մասնագետը ստեղծել է մի քանի ռենդերներ, որոնք ցույց են տալիս ամբողջովին նոր Corolla-ի արտաքին տեսքը։

Դիզայները վստահ է, որ ապագա սերնդի «Կորոլային» սպասում են կարդինալ փոփոխություններ արտաքին տեսքում։

Թե ինչ փոփոխություններ են սպասվում նոր Corolla-ի տեխնիկական մասում, դեռ հայտնի չէ, սակայն ավելի վաղ ճապոնական ինսայդերները հայտնել են, որ մեքենան կարող է ստանալ նորագույն հիբրիդային համակարգ՝ կառուցված 1.5 լիտրանոց շարային «քառյակի» շուրջ:

Շարժիչի և էլեկտրաշարժիչի համակցված հզորությունը կկազմի մոտ 130 ձիաուժ, սակայն «թոփ» տարբերակներում համակարգի արտադրողականությունը կհասնի 180 ձիաուժի:

Բարելավված արդյունավետության շնորհիվ, խոսակցությունների համաձայն, մեքենան կկարողանա առանց լիցքավորման անցնել ավելի քան 2 հազար կմ:

Toyota Corolla-ի նոր սերնդի թողարկումը նախատեսված է 2026 թվականին: