Ճապոնական ավտոմոբիլային արտադրող Nissan Motor-ը, 2024 թվականին ֆինանսական արդյունքների անկայունությունը ճանաչելով, որոշում է կայացրել կրճատել գլոբալ արտադրական հզորությունները (20%-ով) և իր գործարանների աշխատակիցների թիվը (խոսքը գնում է 9000 մարդու ազատման մասին):

Այս որոշումը ընդունվել է հիմնական շուկաներում (Չինաստան և ԱՄՆ) ծագած դժվարությունների պատճառով:

Որոշ մասնագետներ կարծում են, որ արտադրողը հայտնվել է բարդ իրավիճակում՝ չդիմանալով Tesla-ի և չինական էլեկտրական մեքենաների արտադրողների աճող մրցակցությանը: 2024 թվականի սկզբից ընկերությունն արդեն կրճատել է արտադրության պլանը 50 հազար միավորով (մինչև 3,65 միլիոն):

Սակայն շուկայում խնդիրներ ունեն նաև մի շարք եվրոպական խոշոր ավտոարտադրողներ՝ BMW, Mercedes-Benz, Stellantis, Renault և Volkswagen: Որոշ մասնագետներ պնդում են, որ եվրոպական ավտոգործարանների մոտ մեկ երրորդն աշխատում է թերաբեռնվածությամբ և ստիպված է կրճատել արտադրությունը, իսկ ավտոմոբիլային ոլորտում վտանգված են հազարավոր աշխատատեղեր: