Ford-ը դադարեցնում է հանրաճանաչ Focus-ի արտադրությունը: Focus-ը լքել է ԱՄՆ-ի և Չինաստանի շուկաները, իսկ 2024 թվականին հայտնի դարձավ, որ մոդելի օրերը Եվրոպայում նույնպես հաշված են։ Հայտարարվել է արտադրության ավարտի ամսաթիվը հայտարարված է. վերջին մեքենան դուրս կգա հավաքման գծից Գերմանիայի գործարանում 2025 թվականի նոյեմբերի 30-ին:

Հենց այստեղ էլ ավարտվում է Focus-ի պատմությունը, որը վերջին տասնամյակում աշխարհում ամենաշատ վաճառվող ավտոմեքենաներից մեկնն էր։ Մոդելը լավ է վաճառվել Եվրոպայում նաև անցյալ տարի՝ 12 ամսում եվրոպացիները գնել են ավելի քան 85 հազար Focus, և սա ամուր ցուցանիշ է, թեև 15 տոկոսով պակաս, քան 2023 թվականին վաճառքի ծավալները։ Ford-ը չի փակի գործարանը, որտեղ ներկայումս հավաքվում է մոդելը, այլ այն կվերազինի սպասարկման և լոգիստիկ կենտրոնի:

2024 թվականի աշնանը Ford-ի գործադիր տնօրեն Ջիմ Ֆարլին ասաց, որ ամերիկյան ընկերությունը, ի վերջո, կհրաժարվի Focus-ի նման «ձանձրալի» մեքենաների արտադրությունից, որպեսզի կենտրոնանա խորհրդանշական մոդելների արտադրության վրա․ Bronco, Mustang, Raptor և այլն: Այլ կերպ ասած, վեկտորը կտեղափոխվի դեպի քրոսովերներ, ամենագնացներ, պիկապներ և կոմերցիոն մեքենաներ:

Տրամաբանական է, որ հրաժարվելով «սովորական» մեքենաներից՝ Ford-ի դիրքերը կարող են թուլանալ այնպիսի մրցակիցների համեմատ, ինչպիսիք են Volkswagen-ը, Toyota-ն, Stellantis-ը, Kia-ն և Hyundai-ն, որոնք շարունակում են մարդատար ավտոմեքենաներ արտադրել զանգվածային սպառողների համար: Եվրոպայում Ford-ի վաճառքներն արդեն նվազել են. JATO Dynamics-ի տվյալներով՝ 2024 թվականին դրանք կնվազեն 16 տոկոսով՝ հասնելով 461291 միավորի։ Եվ Focus-ի արտադրության ավարտից հետո բրենդի եվրոպական մոդելների շարքն այլևս չի ունենա ավանդական մարդատար ավտոմեքենաներ, քանի որ Fiesta-ն և Mondeo-ն արդեն դուրս են եկել թոշակի: