BMW Columbus կոնցեպտը կառուցվել է 1992 թվականին, ի հիշատակ Ամերիկայի հայտնագործման 500-ամյակի։ Մեքենան նախագծվել է Italdesign Giugiaro-ի կողմից։
BMW Columbus-ը ուներ 5.0 լիտրանոց 300 ձիաուժ հզորությամբ V12 շարժիչ հինգաստիճան փոխանցման տուփով, գրեթե վեց մետր երկարություն, և կարող էր զարգացնել մինչև 210 կմ/ժ առավելագույն արագություն։ Հետևի անիվները ցածր արագության դեպքում կարող էին շրջադարձի ժամանակ թեքվել մինչև 15° անկյունի։
Կենտրոնում տեղակայված վարորդի խցիկը բարձրացված էր թափքի մնացած մասից վեր, քանի որ այն տեղադրված էր շարժիչից վեր՝ ապահովելով վարորդին ավելի մեծ տեսանելիություն: Հետևում բավական տեղ կար վեց ուղևորի համար, որոնցից յուրաքանչյուրը կարող էր օգտագործել VHS-ին միացված մոնիտոր: Սրահը ճկուն էր, քանի որ տարողունակությունը կարող էր ավելացվել մինչև ինը ուղևոր (ներառյալ վարորդը) կամ կազմաձևվել ավելի քիչ նստատեղերով՝ մինիվենը կոմերցիոն մեքենայի վերածելու համար:
