Lamborghini-ն հայտարարել է մեծ պահանջարկի և հերթերի մասին: 2024 թվականի երեք եռամսյակների արդյունքներով, ընկերության եկամուտը աճել է 20%-ով, իսկ հաճախորդներին փոխանցված մեքենաների քանակը՝ 8.6%-ով (մինչև 8411 հատ):

Lamborghini-ի նոր մոդելների նկատմամբ պահանջարկն այնքան մեծ է, որ սպասման ցուցակները գրված են տարիների համար: Urus-ի համար պետք է սպասել մինչև 2025 թվականի վերջը, իսկ Revuelto-ի՝ մինչև 2027 թվականը:

Ընկերության ղեկավար Սթեֆան Վինկելմանն ընկերության հաջողությունները կապում է վերջին մեկուկես տարվա ընթացքում մոդելային շարքի թարմացման հետ:

Lamborghini Urus-ը անցել է հիբրիդային համակարգի և փոխվել է արտաքինով, սակայն գնորդներին այդ փոփոխությունները չեն խանգարել: Թեև քրոսովերը իր կյանքի ցիկլի երկրորդ կեսում է գտնվում, պատվերների թիվն այնքան մեծ է, որ հաճախորդները ստիպված են սպասել մինչև 2026 թվականը կամ փնտրել առկա մեքենաներ ու ավելի բարձր գներով գնել: 

See less