Նույնիսկ Mercedes-Benz-ը սկսել է խնայել. ընկերությունը ցանկանում է կրճատել ծախսերը միլիարդավոր եվրոներով

Mercedes-Benz-ի ներկայացուցիչը հայտարարել է, որ ընկերությունը որոշել է յուրաքանչյուր տարի կրճատել ծախսերը մի քանի միլիարդ եվրոյով, առաջիկա մի քանի տարիների ընթացքում:

Այնուամենայնիվ, Mercedes-Benz-ում դեռևս չեն հստակեցնում, թե ինչ միջոցներով են իրականացվելու այս ծախսերի կրճատումները, և չեն մեկնաբանում այն հարցերը, թե երբ կարող են սկսվել աշխատակազմի կրճատումները:

Mercedes-Benz-ի գործառնական շահույթը երրորդ եռամսյակում կազմել է 34,528 միլիարդ եվրո, ինչը 6,7%-ով պակաս է նախորդ տարվա համեմատ: Հարկերից առաջ շահույթը կազմել է 2,517 միլիարդ եվրո, ինչը տարեկան կտրվածքով 48%-ով նվազել է: Մաքուր շահույթը կազմել է 1,719 միլիարդ եվրո, ինչը 53,8%-ով պակաս է նախորդ տարվա համեմատ:

2024 թվականի առաջին երեք եռամսյակների ընթացքում Mercedes-Benz-ի համաշխարհային ընդհանուր վաճառքները կազմել են 1,463 միլիոն ավտոմեքենա, ինչը 4%-ով պակաս է նախորդ տարվա համեմատ: Ամենաթանկ մոդելների վաճառքը, որոնք հիմնական եկամտի աղբյուրն են, նվազել է 12%-ով՝ հասնելով 61 800 միավորի: